జీవుని తత్వం

మాయాబద్దమైన ఆత్మే జీవుడు.బంధముక్తమైన ఆత్మే ఈశ్వరుడు.

శ్రీ రామకృష్ణ బోధామృతము,30.

జీవుడి పరమావధి

మొదట ఆత్మ లాభాన్ని పొందు.తదుపరి ధనం సంపాదించు. ఈ వరుసను తల్లక్రిందులు చేయాలని ప్రయత్నించకు.పరమార్ధాన్ని పొందాక సంసారంలో మెలిగినా నీ మనశ్శాంతికి భంగం వాటిల్లబోదు.

శ్రీ రామకృష్ణ బోధామృతము,పే.26.

జీవుడి పరమావధి

దుర్లభమైన మానవ జన్మ పొందీ,ఈ జన్మలోనే భగవంతుణ్ణి తెలుసుకో ప్రయత్నించని వ్యక్తి జీవితం నిరర్ధకం.

శ్రీ రామకృష్ణ బోధామృతము,పే.25

 

జీవుడి పరమావధి

రాత్రిపూట ఆకాశంలో నీకు అనేక నక్షత్రాలు కనిపిస్తాయి.సూర్యోదయమైనాక అవి కనపడవు.అందుచేత పగటిపూట ఆకాశంలో నక్షత్రాలు లేవని చెప్పవచ్చా? ఓ మానవుడా ! అజ్ఞానంలో నువ్వు భగవంతుణ్ణి కనుగొనలేకపోయినందువల్ల, భగవంతుడు లేడనవద్దు. 
                                                                                   శ్రీ రామక్రిష్ణ బోధామృతము,పే.25.